Rəşad Sadiqov: “Futbolda maddiyyatdan başqa hər şey qazanmışam” (VİDEO-MÜSAHİBƏ)

BAKU.WS-in bu dəfəki qonağı "Neftçi” PFK-nın yarımmüdafiəçisi Rəşad Sadiqovdur. Suallarımızı olduqca səmimi cavalandıran Sadiqov gələcək planlarından tutmuş başına gələn ən maraqlı hekayələrindən danışdı. -Kefiniz necədir?- Kefim əladır.- Ümumiyyətlə futbolumuzun bu günki durumu necədir?- Belə götürəndə pis deyil, amma yaxşı da demək olmaz. Çünki 8 komanda çempionatda bir az kənardan pis görünür. Ona görə də rəqabət azdır.- Nəyi dəyişmək lazımdır? Və ya keçmişə baxanda nə daha yaxşıdır? - Stadionlar, komandaların bazalarında bir az inkişaf var. Sadəcə futbolçuların və klubların sayı azdır. Bu mənada pisdir.- Xeyli klubların şərəfini qorumusunuz. Hansı daha doğmadır? - Əlbəttə ki, “Neftçi” komandası.- Futboldan maddiyyatdan başqa nə qazanmısınız? - Futbolda maddiyyatdan başqa hər şey qazanmışam. Öz ailəm, nəslim, dostlarım arasımda əsasən hörmət qazanmışam.- Karyeranızı bitirməyinizə çox az qalıb. İndidən futbol üçün darıxdığınızı hiss edirsiniz? - Düzü fikirləşmirəm o barədə. Mən elə bir insanam ki, nə isə sona çatanda təəssüflənmirəm.- Üzdəki futbolçulardan olsanız da, millidə çox az çıxış etmisiniz. Bunu nə ilə bağlaqyırsınız? - Bu əsasən millinin baş məşqçiləri ilə bağlı olan bir şeydir. Berti Foqtsun gəlişindən sonra az-az çağırılırdım. Milliyə əsasən gəlmə futbolçular gətirilirdi. Klubda oynadığım dönəmdə də, Avroliqanın qrupunda oynadığım dönəmdə də yenə də çağırılmırdım. - Yığmada oynamamaqdan heç zaman narazılıq etməmisiniz... Düşünürsüz ki, sizə qarşı haqsızlıq olub?- Əsasən də Berti Foqsun dönəmində haqsızlıq olurdu. Bütün oyunlarda 90 dəqiqə əsas heyətdə oynayan futbolçu kimi çağırılmırdım. Hiss edirdim ki, haqsızlıq var. Amma yenə də çalışırdım ki, ürəyimə salmayım. - "Zirə"də nə baş verdi? - Ani bir epizod idi. Hər bir futbolçu demiyim, hər bir insanın başına gələ biləcək bir hadisədir. Sadəcə baş məşqi ilə yola getmədik və qarşılıqlı şəkildə razılaşdıq, ayrıldıq. - "Zirə"dən ayrılan kimi polis qalmaqalı yaşandı, maşınını cərimə meydançasına aparmışdılar. Nə baş vermişdi?- Azərbaycanda hər bir insanın polislə yaşadığı hadisələrdən biridir. Hələ mənim maşınım cərimə meydançasında olmamışdı. Yüngül cərimələri qırağa qoysaq böyük cərimələrim də olmayıb. Şəhərin mərkəzində qırmızı işıqda dayanmışdım. Polis əl elədi və saxladım. Yuxarının göstərişi ilə maşın cərmə meydançasına aparıldı. Mən də heç bir maneə törətmədim. Sabahı gün getdim maşınımı pulsuz cərimə meydançasından çıxartdım öz səhvləri olduğuna görə.- Ümumiyyətlə, gələcəkdə məşqçilik haqqında düşünürsünüzmü? - Valideyinlərim, dostlarım, qohumlarım da bunu deyir. Mən istəmirəm. Çünki mən məşqçilərimizi də görürəm. Hər bir məşqçi nə qədər əziyyət, stress çəkir. Mən karyeram bitdikdən sonra yenə həmin psixologiya, həmin stresslə yaşamaq istəmirəm. - "Neftçi"ni köhnə günlərinə qaytarmaq üçün nə etmək lazımdır? - İnşallah yavaş-yavaş qayıdacaq. Mənə elə gəlir ki, “Neftçi” yenə də pillə-pillə qalxacaq. - "Neftçi"nin futbolçusu Elnur Cəfərovun etdiyi hərəkətlərə təcrübəli futbolçu kimi necə münasibət bildirirsiniz? Ona məsləhətiniz nə olardı? - Onunla bağlı qərarları baş məşqçimiz verib. Özü ilə də danışıb. Biz də danışmışıq. Etməməli idi. Cavan olduğuna görə səhv edib. İndi də səhvinin cəzasını çəkir. - Qurban Qurbanovun milli komandaya baş məşqçi gətirilməsini necə qarşılayırsız? Siz də bunu gecikmiş təyinat sayırsız?- 4-5 il bundan qabaq atılmalı idi bu addım. Gecikmiş addımdır. - "Qarabağ"ın "Çelsi" ilə oyununda hakimin qərarı haqqında fikirləriniz?- İlk dəqiqələrdən görünürdü ki, hakimin “Çelsi"yə simpatiası böyükdür. Çünki həmin epizodda penaltini verib, qırmızı vərəqə vermək çox ağır idi. - Boş vaxtlarınızı necə dəyərləndirirsiniz?- Əylənməyi elə də sevmirəm. Klublara filan da getmirəm. Düzünü deyim ki, səs olan yerlərdən heç xoşum gəlmir. Dostlarımla, qohumlarımla, övladlarımla, ailəmlə hər zaman sakit yerlərə gedib vaxt keçirməyi sevirəm. - Azərbaycan futbolçuları arasında rəmzi yığma komandanı yığa bilərsinizmi?- Qapıda Elxan Həsənov, müdafiədə Rəşad Sadıqov, Tərlan Əhmədov, sağda Mahir Şükürov, solda Elnur Allahverdiyev, ortada Emin Quliuyev, Vidadi Rzayev, Mahmud Qurbanov, sağda Zaur Tağızadə, solda Paşa Əliyev qabaqda isə Qurban Qurbanov. - Matç zamanı əsəbləşib, söyüş söydüyünüz anlar olub?- Olub. Oyunda əsəbləşən zaman çox olur. - Futbolçu dostlarınız varmı?- Ən çox münasibətimin yaxşı olduğu Rail Məlikovdur. Bələ bilirsiniz onunla uşaq vaxtından birlikdə böyümüşük. - Futboldan başqa gəlir yeriniz var?- Düzünü desəm yoxdur. Həm futbolnan həm də bizneslə məşğul olmaq profisanallıqdan uzaq bir şeydir. - Hazırda Azərbaycanın ən istedadlı futbolçusu kimdir?- Araz Abdullayev. Sadəcə ağlını bir az düzgün istifadə etsəydi Avropanın hər bir klubda oynaya bilərdi. - Azərbaycan futbolçularının Avropada oynamama səbəbi nədir?- Başlıca səbəbi psixologiyamızdır. Psixologiyamız zəifdir. Bir az ağır mühitə düşəndə uyğunlaşa bilmirik. - Sizcə Avropada ən uğur qazanmış azərbacanlı futbolçular kim olub?- Mənə elə gəlir 2 nəfər olub: Nazim və Vəli. - Siz azərbaycanlı futbolçular içərisində Avrokuboklarda ən çox qol vuran oyunçusunuz. Əgər sizin rekordunuzu kimsə yeniləsə buna münasibətiniz necə olar?- Azərbaycanlı futbolçu olaraq 8 qolum var. Rekordumu kimsə yeniləsə, buna sadəcə sevinmək olar. - Bu günə qədər futbolda ən maraqlı hadisə kimi nə yadınızda qalıb?- Elə bir hadisə Rail Məlikovla Antalyada oteldə qaldığımız zaman yaşanıb. Televizor işləmirdi, səsi zəif gəlirdi. Rail Məlikov xadiməyə “Televizor xırıldıyor” dedi və buna xeyli güldük. Daha sonra o mənim türkcə nəyisə səhv deməyimi gözləyirdi. Mən də “dollar xırdalıyormusun” dedim. O da bunu bütün kluba demişdi. - Gündəlik cib xərciniz nə qədərdir?- 50-100 manat arası olur. Sonda azərkeşlərimizdən səbirli olmaqlarını və “Nefçi”yə inanmaqlarını arzulayardım. Sadəcə hər zaman klubun arxasında durun. Söhbətləşdi: Zümrüd CavadovaMontaj: Çinarə Vahabzadə