"Qarabağ"a məğlubiyyətdən sonra “Şamaxı”nın baş məşqçisi istefa verdi

"Şamaxı" klubunun baş məşqçisi Sənan Qurbanov istefa verib.

BAKU.WS "Report"a istinadən xəbər verir ki, 42 yaşlı mütəxəssis qərarını səfərdə "Qarabağ"a 0:8 hesabı ilə uduzduqları Premyer Liqanın XXIII tur matçından sonra keçirilən mətbuat konfransında açıqlayıb.

O bildirib ki, acı məğlubiyyətdən sonra rəhbərliklə danışdığını bildirib: "Gələcək oyunlarda komandaya uğurlar arzu edirəm. Burada kubok qazandım, yaxşı günlərimiz oldu. Amma bu cür məğlubiyyətin ardından qalmaq mümkün deyil".

Qurbanov futbolda hər cür nəticənin ola biləcəyini söyləyib: "Bu başla nəyisə müzakirə etmək istəmirəm. Məsələ ondadır ki, böyük hesabla uduzduq. Gerisi mənə maraqlı deyil. Futbolçular meydançada mübarizə apara bilmədilər. Bunu qəbul edə bilmirəm. Artıq danışmışıq. Belə məsləhət oldu ki, gedim".

Baş məşqçi oyuna itkilərlə çıxdıqlarını vurğulayıb: "Qarabağ" onsuz da güclüdür. Heyətdə itki olanda bizim üçün vəziyyət daha da çətinləşir".