"Qalatasaray"da Super Kubok əvvəli zədə şoku - "Beşiktaş" matçında yox

Sabah axşam saat 21.45-də Atatürk Olimpiya Stadionunda Türkiyənin son Superliqa çempionu "Qalatasaray" və Türkiyə Kuboku çempionu "Beşiktaş" Super Kuboku qazanmaq üçün üz-üzə gələcək.

BAKU.WS xəbər verir ki, "Qalatasaray"ın baş məşqçisi Okan Buruk oyun üçün təşkil edilən mətbuat konfransında ulduz futbolçunun zədəsi səbəbindən "Beşiktaş" matçında meydana çıxa bilməyəcəyini bildirib.

Buruk, "İlyasın bir az ağrıları vardı. Onu riskə atmaq istəmədik. Çünki hələ tezdir. Gələn həftə liqa başlayacaq, ondan sonra Çempionlar Liqasının seçmə mərhələsi var. Biz bura hazır daxil olmaq istəyirik. Əslində, biz onu məşqə apara bilərdik, amma risk etmək istəmədik. Komandamız yenidən yaxşı formadadır və mümkün qədər tez hazır olacaq".