Pelenin forması fantastik məbləğə hərraca çıxarılacaq

Üçqat dünya çempionu, praziliyalı futbolçu Pelenin köynəyi hərracda 150 min funt-sterlinqə satışa çıxarılacaq.

BAKU.WS-in xəbərinə görə, bu barədə "Mirror" məlumat yayıb.

Məlumata görə, söhbət 1971-ci ilin yayında Avstriya ilə yoldaşlıq oyununda Pelenin Braziliya millisinin heyətində qol vurduğu 10 nömrəli sarı köynəkdən gedir.

Həmçinin hərracda Peleyə məxsus digər əşyalar, o cümlədən kuboklar, medallar və mükafatlar da satılacaq.

Digər hərrac lotlarına 160-200 min funta satılacağı gözlənilən 2022 FIFA Dünya Kuboku finalının rəsmi matç topu da daxildir.

Qeyd edək ki, Pele 2022-ci il dekabrın 29-da 82 yaşında vəfat edib.