"Neftçi"dən aylıq 85 min manat alacaq

"Neftçi"nin yeni baş məşqçisi, ukraynalı Yuri Vernidub Bakı klubunda aylıq təxminən 50 min dollar (təqribən 85 min manat) qazanacaq.

BAKU.WS xəbər verir ki, bu məbləğ haqqında insayder İqor Burbas məlumat verib.

Bildirilib ki, bu göstərici Vernidubu Azərbaycan Premyer Liqasının ən yüksək maaş alan məşqçilərindən biri edir.

Məlumata əsasən, klubla Vernidub arasında danışıqlar tam yekunlaşıb və bütün şərtlər razılaşdırılıb. Mütəxəssislə 1,5 illik müqavilə bağlanacağı bildirilib.