"Neftçi"nin baş məşqçisi: "Son saniyələrdə qol buraxmaq çox üzücüdür"

"Son saniyələrdə qol buraxmaq çox üzücüdür. Amma səmimi olsaq, rəqib qoldan öncə də belə bir imkanları var idi. Bizim üçün heç nə dəyişməyib. Səfərdə də öz oyunumuzu oynayıb qalib gəlməyə çalışacağıq".

BAKU.WS "Report"a istinadən xəbər verir ki, bunu "Neftçi"nin Bakıda Avstriyanın "Rapid" (Vyana) komandasına 2:1 hesabı ilə qalib gəldikləri UEFA Konfrans Liqasının III təsnifat mərhələsinin ilk oyunundan sonra "CBC Sport"a açıqlamasında deyib.

47 yaşlı mütəxəssis bildirib ki, komanda yavaş-yavaş artırır: "Çox yaxşı oynadıq və 3 real qol epizodundan yararlana bilmədik. Nəticə və oyundan hazıram. Növbəti matça köklənməliyik".

Qeyd edək ki, komandalar arasında cavab görüşü avqustun 11-də Vyanada keçiriləcək. Bu cütün qalibi pley-off mərhələsində "Konyaspor" (Türkiyə) - "Vaduts" (Lixtenşteyn) cütünün güclüsü ilə qarşılaşacaq.