“Neftçi” - “Qarabağ” oyununda mövsümün azarkeş rekordu qeydə alınıb

Azərbaycan Premyer Liqasında mövsümün tamaşaçı rekordu qeydə alınıb.

BAKU.WS Peşəkar Futbol Liqasının məlumatına istinadən xəbər verir ki, bu, IX turun “Neftçi” - “Qarabağ” matçına təsadüf edib.

“Neftçi Arena”da keçirilən Azərbaycan derbisini 5400 azarkeş izləyib. Buna qədər rekord VIII turun “Turan Tovuz” - “Neftçi” oyununa (0:1) məxsus idi. Həmin qarşılaşmada 5000 tamaşaçı olub.

Qeyd edək ki, “Neftçi” - “Qarabağ” görüşündə qonaqlar 2 cavabsız qolla qalib gəliblər.