Messi Niderland millisinin futbolçusunu təhqir etdi - "Nəyə baxırsan, axmaq?" - VİDEO

Argentina millisinin ulduz futbolçusu Lionel Messi Qətərdə keçirilən dünya çempionatının 1/4 final oyunundan sonra Niderland yığmasının üzvü Vaut Veqhorstu təhqir edib.

BAKU.WS xarici mətbuata istinadən xəbər verir ki, hadisə Messi "TyC Sport"un canlı efirində müsahibə verən zaman yaşanıb.

Belə ki 35 yaşlı hücumçu Veqhorsta "Nəyə baxırsan, axmaq? Get buradan" deyib.

Qeyd edək ki, Argentina komandası əsas və əlavə vaxtı 2:2 hesablı heç-heçə ilə başa çatan qarşılaşmanın penaltilər seriyasında rəqibini üstələyib - 4-3.