Klopp Almaniya millisinin yeni baş məşqçisi oldu

Almaniyalı mütəxəssis Yurgen Klopp Almaniya millisinin baş məşqçisi təyin olunub.

BAKU.WS xəbər verir ki, bu barədə məşhur insayder Fabritsio Romano məlumat yayıb.

Onun sözlərinə görə, 58 yaşlı çalışdırıcı Almaniya Futbol İttifaqı ilə 2030-cu ilin iyul ayınadək qüvvədə olacaq müqaviləyə imza atıb. Bildirilir ki, yeni baş məşqçinin rəsmi təqdimatı və təyinatın təsdiqi bu gün ictimaiyyətə açıqlanacaq.

Bu dəyişiklik Almaniya yığmasının 2026-cı il dünya çempionatındakı uğursuz çıxışından sonra baş verib. Komanda turnirin 1/16 final mərhələsində Paraqvayla qarşılaşmada əsas və əlavə vaxtı 1:1 hesabı ilə başa vuran matçda penaltilər seriyasında 3:4 hesabı ilə məğlub olaraq mübarizəni dayandırmışdı.