Kimi Antonelli İtaliya Qran-Prisini qazandı

"Mercedes" komandasının italiyalı pilotu Kimi Antonelli "Formula-1" üzrə dünya çempionatının 13-cü mərhələsində qalib gəlib.

BAKU.WS xəbər verir ki, İtaliya Qran-Prisi "Monza" avtodromunda keçirilib.

Yarışda ikinci yeri Antonellinin komanda yoldaşı Corc Rassell tutub. "Red Bull" pilotu Maks Ferstappen isə üçüncü olub.

Qeyd edək ki, mühərrik dəyişdirildiyinə görə yarışa 19-cu sıradan başlayan Antonelli buna baxmayaraq bütün rəqiblərini geridə qoyub.

Bu nəticədən sonra Kimi Antonelli 267 xalla çempionatın liderliyini qoruyub. Corc Rassell 201 xalla ikinci, Lyuis Hemilton isə 191 xalla üçüncüdür.