İkardi 20 qol vursa saçımı sarı-qırmızı edəcəm deyən "Fənərli" sözünü tutdu - VİDEO

“İkardi bu mövsüm 20 qol vursa, saçımı sarı-qırmızı rəngə boyadaram”, - deyən sabiq “Fənərbağça” kapitanı Ümit Özat saçlarını qırmızı rəngə boyadıb.

BAKU.WS xəbər verir ki, Özat sözügedən anları tiktok vasitəsilə canlı olaraq izləyiciləri ilə bölüşüb.

O, saçlarını qırmızı rəngə boyadaraq, “Bizdə söz namusdur”, - ifadələrini işlədib.

Xatırladaq ki, ötən gün “Ankaragücü” ilə matçda 1-4 hesabı ilə qalib gələn “Qalatasaray”ın argentinalı ulduzu liqada 20 qolu keçdiyini Ümit Özata xatırladıb, ondan verdiyi sözü tutmağını istəmişdi.