Jerar Pike futbolçu karyerasını bitirir

"Barselona"nın ulduz futbolçusu Jerar Pike "Almeria" ilə oyundan sonra futbolçu karyerasını başa vuracağını açıqlayıb.

BAKU.WS xəbər verir ki, 35 yaşlı mərkəz müdafiəçisinin son matçı şənbə günü baş tutacaq.

"Barselona" mənə hər şeyi verdi. "Culers" (Barselona fk fanatlarına verilən ad), siz mənə hər şeyi verdiniz. Həmişə demişəm ki, “Barselona”dan sonra karyeramda başqa komanda olmayacaq. Bu belə də qalacaq. Şənbə günü Camp Nouda son oyunumu keçirəcəyəm'', - deyə o bildirib.

Qeyd edək ki, karyerasında çoxsaylı titullar qazanan Pike 4 dəfə Çempionlar Liqasının və bir dəfə Dünya Kubokunun qalibi olub.