DÇ-da zədələnən oyunçunun burnu, üç dişi və üz sümükləri sındı - FOTO

Səudiyyə Ərəbistanının Argentina üzərində qələbəsi ilə yekunlaşan matçda ölümdən qayıdan səudiyyəli futbolçu Yaser Əl-Şəhraninin son vəziyyəti məlum olub.

BAKU.WS xarici KİV-ə istinadən xəbər verir ki, komanda yoldaşı ilə toqquşan 30 yaşlı müdafiəçinin burnunda, üç dişində, çənəsində və üz sümüklərində sınıq olduğu müəyyənləşib.

Məlumata görə, Əl-Şəhrani əməliyyat olunacaq.

Səudiyyə Ərəbistanı Futbol Federasiyasından verilən açıqlamada bildirilib ki, qapıçı Mohammed Alovais ilə toqquşma nəticəsində zədələnən Əl-Şahrani başından, sinəsindən və qarnından ciddi zərbələr alıb. Müayinələrdən sonra vəziyyətinin stabil olduğu bildirilən Əl-Şəhraninin Qətərdən ölkəsi Səudiyyə Ərəbistanına aparıldığı deyilir. Qeyd olunub ki, 30 yaşlı futbolçu ən qısa zamanda paytaxt Ər-Riyadda əməliyyat olunacaq.

Qalereya