Çempionlar Liqasının ən sərrastları - Siyahıda Nəriman və Leandro da var

UEFA Çempionlar Liqasının 2025/26-cı il mövsümünün təsnifat mərhələsinin bombardirləri arasında "Qarabağ"ın futbolçularının da adı var.

BAKU.WS-in məlumatına görə, Nəriman Axundzadə və Leandro Andre iki qolla Çempionlar Liqasının ən sərrast oyunçuları sırasındadırlar.

Siyahının zirvəsində Polşa "Lex"inin isveçli hücumçusu Mikael İsaak var. O, təsnifat mərhələsində 6 qol vurmağı bacarıb. Komandası Çempionlar Liqasında mübarizəni dayandırdığı üçün İsaak bundan sonra Avropa Liqasında fərqlənməyə çalışacaq.

İkinci yerdə 4 qolla Şotlandiyanın "Reyncers" klubunun futbolçusu Djeidi Gassama yer alır. Pley-off mərhələsində "Qarabağ"ın rəqibi olacaq Macarıstanın "Ferentsvaroş" klubunun üzvü Barnabas Varga da 4 qol vurub.