Bernardo Silva Avropa nəhənglərinin hədəfində

"Mançester Siti"nin portuqaliyalı futbolçusu Bernardo Silva mövsümün sonunda komandanı tərk edə bilər. "Barselona" və PSJ Silvanı heyətinə qatmaq istəyir.

BAKU.WS-in xəbərinə görə, bu barədə "Mundo Deportivo"nun məlumatında deyilir.

Qeyd olunub ki, "Barselona" davam edən iqtisadi problemlər səbəbindən transferdə çətinlik çəkə bilər.

Mövsümün sonunda Kilian Mbappe ilə yollarını ayıracağı gözlənilən PSJ-nin Silvanı da transfer etməyi planlaşdırdığı bildirilib.

Qeyd edək ki, 2017-ci ildən "Mançester Siti"nin şərəfini qoruyan Bernardo Silvanın klubla müqaviləsi 2026-cı ildə başa çatır.

Portuqaliyalı bu mövsüm "Mançester Siti"nin heyətində 43 matçda meydana çıxıb. Silva 11 qol vurub, 6 məhsuldar ötürmə edib.