Azərbaycanın U-21 millisi Cəbəllüttariqlə qarşılaşacaq

Azərbaycanın 21 yaşadək futbolçulardan ibarət milli komandası bu gün Avropa çempionatının seçmə mərhələsində növbəti vacib sınağına çıxacaq.

BAKU.WS xəbər verir ki, B qrupunda mübarizə aparan millimiz səfərdə Cəbəllüttariq yığmasının qonağı olacaq. Qarşılaşma "Avropa Point" stadionunda keçiriləcək və oyun Bakı vaxtı ilə saat 22:00-da start götürəcək. Matçı rumıniyalı baş hakim Andrey Çivulete idarə edəcək.

U-21 millimiz indiyədək keçirdiyi dörd oyundan iki xal toplayaraq qrup cədvəlinin beşinci pilləsində qərarlaşıb. Komanda növbəti görüşünü isə 2026-cı ilin 27 mart tarixində səfərdə güclü Portuqaliyaya qarşı oynayacaq.

Seçmə mərhələnin bugünkü qarşılaşması millimizin qrupdakı mövqeyini yaxşılaşdırmaq baxımından xüsusi əhəmiyyət daşıyır.