Azərbaycan millisi yoldaşlıq görüşündə Belarusa məğlub olub

Azərbaycan millisi yoldaşlıq görüşündə Belarusa məğlub olub.

Masazırdakı "Bank Respublika Arena"da keçirilən matç rəqib komandanın 2:0 hesablı qələbəsi ilə yekunlaşıb.

Qolları Pavel Zabelin (59) və Nikita Demçenko (78) Azərbaycan yığmasının qapısından keçirib.

Qeyd edək ki, Fernandu Santuşun rəhbərlik etdiyi kollektiv martın 22-də Haitiyə də məğlub olmuşdu - 0:3.

***23:08

Azərbaycan - Belarus matçında hesab açılıb.

Pavel Zabelin 59-cu dəqiqədə Belarus millisini önə çıxarıb - 1:0.

 Masazırdakı "Bank Respublika Arena"da keçirilən matçı gürcüstanlı hakim Aleko Aptsiauri idarə edir.

***22:02

Futbol üzrə Azərbaycan millisi yoxlama oyununda Belarusla qarşılaşır.

Görüş Masazırdakı "Bank Respublika Arena"da keçirilir.

Matçı gürcüstanlı hakim Aleko Aptsiauri idarə edir.

***21:20

Yoxlama oyununda qarşılaşacaq Azərbaycan və Belarus millilərinin start heyətləri açıqlanıb.

BAKU.WS xəbər verir ki, Masazırdakı "Bank Respublika Arena"da keçiriləcək matç saat 21:45-də başlayacaq.

Komandalar meydana aşağıdakı heyətlərlə çıxacaqlar:

Azərbaycan: Rza Cəfərov, Bəhlul Mustafazadə (k), Ozan Can Kökçü, Mahir Emreli, Zamiq Əliyev, Toral Bayramov, Səbuhi Abdullazadə, Nəriman Axundzadə, Mert Çelik, Xəyal Əliyev, Şahin Şahniyarov

Belarus: Fyodor Lapouxov, Kirill Peçenin, Pavel Zabelin, Aleksey Qavriloviç, Sergey Politeviç (k), Maks Ebonq, Valeri Qromko, Yevgeni Yablonski, Vitali Lisakoviç, Yuri Kovalev, Trofim Melniçenko