Azərbaycan kikboksçusu erməni əsilli idmançıya qalib gəlib kəmər qazandı - VİDEO

Azərbaycan kikboksinq milli komandasının 57 kq-a qədər çəki dərəcəsindəki təmsilçisi Məhəmməd İmanov WJF döyüş təşkilatının kəmərini qazanıb.

BAKU.WS-in "oxu.az"-a istinadən xəbərinə görə, yarış Gürcüstanın paytaxtı Tbilisidə keçirilib.

Azərbaycan idmançısı kəmər uğrunda döyüşdə erməni əsilli Gürcüstan idmançısı Qela Xoceliyaniyə qalib gəlib.

Qeyd edək ki, Məhəmməd İmanov gənclər arasında WAKO Avropa birinciliyinin qalibi, dünya çempionatının gümüş medalçısı, böyüklər arasında WAKO dünya çempionatının ikincisidir. Onun şəxsi məşqçısı Hikmət Hacıyevdir.