Azərbaycan idmançısı Rusiyada keçirilən atçılıq yarışlarında 2 medal qazanıb

Azərbaycan idmançısı Aydın Əlibəyov Rusiyanın paytaxtı Moskvada keçirilən atçılığın dresaj növündə 2 medal qazanıb.

BAKU.WS report-a istinadən xəbər verir ki, Moskvada “Maksima Masters Avrasiya Kuboku”nun finalı və “Maksima Masters Avrasiya Ulduzları” mərhələ yarışları təşkil olunub.

A.Əlibəyov ilk gündə “Prix Saint George” kateqoriyasında gümüş, ikinci gündə isə “Intermediate 1” kateqoriyasında qızıl medal əldə edib.