055 213 76 73
Azərbaycan çempionu “Qarabağ” avrokuboklarda növbəti oyununu keçirib.
Avropa Liqasının qrup mərhələsində mübarizə aparan Qurban Qurbanovun yetirmələri V turun matçına çıxıb. "Bojuar" stadionundakı görüş meydan sahiblərinin 2:1 hesablı qələbəsi ilə başa çatıb.
Şahruddin Məhəmmədəliyevin kobud səhvindən hesabı açan rəqib üstünlüyünü fasiləyədək qoruyub. “Köhlən atlar” ikinci yarıda bərabərlik qoluna imza atıb. Filip Ozobiç penaltidən dəqiq istifadə edib – 1:1. Amma meydan sahibləri uzatma dəqiqələrində qələbə qolunu vurmağa müvəffəq olub – 2:1.
Beləliklə, bu nəticədən “Qarabağ” 7 xalla 2-ci pillədəki mövqeyini qoruyub. 6 xalı olan "Nant" isə 3-cü sırada qərarlaşıb. E qrupunun digər oyununda “Frayburq” Almaniyada Yunanıstan “Olimpiakos”u ilə 1:1 hesablı edərək, liderliyi təmin edib və 1/8 finala yüksəlib.
***00:53
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyununda ikinci hissəyə əlavə olunmuş vaxtda rəqib hesabı artırıb.
Əsas vaxta əlavə olunmuş 5-ci dəqiqədə "Nant" qələbə topunu vurub. İkinci hissədə meydana daxil olan İqnatius Qanaqo fərqlənib.
00:12
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyununda ikinci hissədə hesab bərabərləşib.
56-cı dəqiqədə penaltidən fərqlənən Ağdam klubunun yarımmüdafiəçisi Filip Ozobiç tarazlığı bərpa edib - 1:1.
*** 00:03
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyununda ikinci hissə başalayıb.
"Qarabağ" klubu ilk hissədən sonra hesabda geridədir - 0:1.
***2022-10-27 23:47
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyununda ilk hissə başa çatıb.
"Qarabağ" klubu fasiləyə minimal hesablı məğlubiyyətlə yollanıb. Lüdovik Blas 16-cı dəqiqədə topu "köhlən atlar"ın qapısından keçirib.
***23:17
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyununda hesab açılıb.
"Bojuar" stadionunda oynanılan qarşılaşmada rəqib komanda hesabı açıb. Lüdovik Blas 16-cı dəqiqədə topu "köhlən atlar"ın qapısından keçirib.
***23:00
Fransada "Nant" və "Qarabağ" arasında keçirilən UEFA Avropa Liqasının qrup mərhələsinin V tur oyunu başlayıb.
"Bojuar" stadionunda oynanılan qarşılaşma Bakı vaxtı ilə saat 23:00-da start götürüb.
Görüşü danimarkalı FIFA referisi Yakob Kehlet idarə edir.
Qeyd edək ki, bu komandalar arasında Bakıda keçirilmiş matç "köhlən atlar"ın 3:0 hesablı qələbəsi ilə başa çatıb.