Oktyabrın 8-i Bakı İdman Sarayında “Azərbaycan Budo-yapon döyüş sənətləri Festivalı” təşkil olunacaq.
BAKU.WS “report”a istinadən xəbər verir ki, festivalda karate, parakarate, cüdo, paracüdo, aykido, kendo, ciu-citsu kimi yapon döyüş sənətləri üzrə nümunəvi çıxışlar, yapon mədəniyyəti və idman növləri ilə bağlı stendlər nümayiş olunacaq.
Tədbirin açılışında Yaponiyanın Azərbaycandakı səfiri Vada Cüniçi və Azərbaycan gənclər və idman naziri Fərid Qayıbovun iştirakı planlaşdırılıb.
Tədbir Yaponiya Səfirliyi və Azərbaycan Respublikası Gənclər və İdman Nazirliyinin birgə təşkilatçılığı ilə keçiriləcək.
BAKU.WS