“YAŞAT” Fonduna toplanan vəsait 28 milyon manatı ötüb

Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu olan “YAŞAT” Fonduna toplanan vəsait 28 milyon manatı ötüb.

BAKU.WS xəbər verir ki, Fonda toplanan vəsait 28 047 364.62 manatdır. Həmin vəsaitdən 16 434 136.55 manatı fiziki şəxslər, 11 613 228.07 manatı isə hüquqi şəxslər tərəfindən ödənilib.

Fonda daxil olan vəsaitin 2 403 868.12 manatı xərclənib. Vəsaitin qalığı isə 25 643 496.5 manatdır.

Qeyd edək ki, “YAŞAT Fondu” Prezident İlham Əliyevin dekabrın 8-də imzaladığı fərman əsasında yaradılıb.