Xüsusi qayğıya ehtiyacı olan uşaq: "Gələcəkdə Ronaldinyo kimi futbolçu olmaq istəyirəm"

"Onun mənə hədiyyə etdiyi imzalı top və formanı bir ömür boyu özümdə saxlayacağam"

Bunu Oxu.Az-a açıqlamasında Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin 1 saylı Uşaq evinin sakini Qənirə Zeynalova bildirib.

"Mən özüm də futbolçu olmaq istəyirəm. Ronaldinyo ilə üz-üzə gəlmək mənə əlavə ruh yüksəkliyi verdi. Hazırda "Neftçi" klubunda oynayıram və gələcəkdə Ronaldinyo kimi futbolçu olmaq istəyirəm", - deyə Q.Zeynalova əlavə edib.

Qeyd edək ki, Braziliya millisinin və "Barselona" klubunun sabiq futbolçusu Ronaldinyo Qauço "Dəniz Mall" ticarət mərkəzində yerləşən "CineMastercard" kinoteatrında xüsusi qayğıya ehtiyacı olan uşaqlarla görüş keçirib.