Xalq artistinin qızı koronavirusa yoluxdu, ailə üzvlərini karantinə aldılar - FOTO

Xalq artisti Habil Əliyevin qızı Vəfa Əliyeva koronavirusa tutulub.

BAKU.WS xəbər verir ki, o, hazırda xəstəxanada karantin rejimindədir.

V.Əliyeva çox da yüksək olmayan temperatur və ara-sıra öskürək simptomları müşahidə etdikdən sonra koronavirus testindən keçib və testin nəticəsi pozitiv çıxıb.

Vəfa Əliyevanın ailə üzvləri də karantinə alınıb, onlar da koronavirus testindən keçiblər, analizlər götürülüb. Nəticələr hələ məlum deyil.

Qeyd edək ki, V.Əliyeva Bakıxanov qəsəbəsindəki 22 saylı Uşaq Poliklinikasının baş həkimidir. Onun məhz orada virusa yoluxduğu ehtimal edilir.