Wi-Fi-dan 100 dəfə sürətli Li-Fi texnologiyası gəlir!

Wi-Fi-dan 100 dəfə sürətli Li-Fi texnologiyası gəlir.

BAKU.WS bu barədə İdarəetmə Sistemləri İnstitutuna istinadən xəbər verir.

Yeni və inqilabi bir texnologiya olan Li-Fi, işıq dalğaları vasitəsilə məlumat ötürərək, Wi-Fi-dan 100 dəfə daha sürətli internet bağlantısı təmin edə bilər.

Li-Fi, xüsusilə təhlükəsizlik baxımından böyük üstünlüklər təqdim edir. LiFi Group-a görə, bu texnologiya, işığın işıqlandırdığı ərazidən kənara çıxa bilmədiyi üçün icazəsiz siqnalları tutmaq demək olar ki, qeyri-mümkün olur. Bundan əlavə, Li-Fi-nin yüksək sürətləri ağıllı şəhərlər, virtual reallıq, 4K video axını və onlayn oyun kimi aşağı gecikmənin kritik olduğu sahələrdə əhəmiyyətli faydalar təmin edə bilər.

Lakin Li-Fi-nin bəzi mənfi cəhətləri də var. Bu texnologiya, işıq mənbəyindən asılı olduğundan onun əhatə dairəsi məhdud, yəni qapalı ərazilərlə məhdudlaşa bilər. Bundan əlavə, Li-Fi-ı dəstəkləyən cihazların sayı olduqca azdır, çünki bu texnologiya hələ geniş yayılmayıb. Li-Fi-nin gələcəyi parlaq görünür və bir çox sənaye sektorları bu texnologiyanın tədqiqinə və inkişafına sərmayə qoyurlar. Lakin onun Wi-Fi-ı tamamilə əvəz edib-etməyəcəyini söyləmək hələ tezdir