ÜST-dən koronavirus vaksini ilə bağlı AÇIQLAMA - VİDEO

"Hazırda dünyanın 200-dən çox ölkəsində 800 mindən çox insana yoluxan və 39 mindən çox insanın ölümünə səbəb olan koronavirus pandemiyası dünyada kifayət qədər təlaş yaradıb. Bəzi ölkələr bu infeksiyaya qarşı dərman vasitələrini tapdıqlarını iddia edirlər.

Lakin müxtəlif ölkələrin iddia etdiyi dərman vasitələrini sınaqdan keçirmək lazımdır və bunlar üçün də vaxt tələb olunur".

BAKU.WS-in məlumatına görə, bunu ÜST-ün Azərbaycan üzrə təmsilçisi Hande Harmancı REAL-a açıqlamasında bildirib.

Hande Harmancının sözlərinə görə, virusa qarşı vaksinin tapılması təxminən 12-18 ay çəkə bilər və artıq bu istiqamətdə qızğın işlər gedir. Lakin bu işlərə nə qədər çox ölkə cəlb olunarsa və ölkələrdən əldə olunan nəticələr nə qədər sürətli analiz olunarsa, vaksinin tapılması da bir o qədər tezləşə bilər.

Mütəxəssislərin bildirdiyinə görə, hazırda insanların bir-birindən 2 metr məsafədə gəzməsi və şəxsi gigiyena qaydalarına əməl etməsi virusun yayılmasının qarşısının alınması istiqamətində atılan ən önəmli addımlardan biridir.

Hande Harmancı bildirdi ki, əgər yaxınlarınızdan birində bu infeksiyanın simptomları müşahidə olunursa, siz də mütləq qaydada özünüzü təcrid etməlisiniz və müvafiq qaydalara riayət etməlisiniz.