Uşaqların nə üçün ağladığını necə bilə bilərik? – Pediatrlardan açıqlama

Uşaqlar, xüsusilə də körpələr duyğularını ifadə edə bilmədikləri üçün ağlamaqla müxtəlif ehtiyaclarını bildirirlər. Ancaq valideynlər üçün bu fərqi anlamaq hər zaman asan olmur. Pediatrlar bildirir ki, uşağın ağlamasının səbəblərini səs tonu, müddət və bədən dili vasitəsilə təyin etmək mümkündür.

Pediatrlar qeyd edir ki, ağlamanın forması onun səbəbinə dair mühüm ipucları verir. Aclıqdan ağlayan uşaq ritmik və davamlı şəkildə səsini yüksəldir, narahat şəkildə əllərini və başını tərpədir. Qaz problemi olduqda isə ağlamaq sancı ilə müşayiət olunur – uşaq ayaqlarını qarnına doğru yığır və qırıq-qırıq, kəskin səslərlə ağlayır.

Ac olanda: Davamlı, narazı tonda ağlama, əllərin ağıza aparılması

Bezi islananda: Narahatlıq və periodik səsli ağlama

Qaz və ya sancı: Ayaqların qarnına çəkilməsi, qısa və kəskin ağlamalar

Yuxusuzluq və ya həddindən artıq stimul: Yorğun və küsülü səs tonu ilə uzunmüddətli ağlama

Qorxu və ya ayrılıq hissi: Qəfil və yüksək tonda ağlama, bədənə sıxılma

Valideynlər uşağın gündəlik davranışlarını və ağlama formasını müşahidə etməli, fərqləri yadda saxlamalıdır.

Ağlamanın səbəbini aydınlaşdırmaq üçün ilk növbədə fiziki ehtiyaclar (aclq, bez, istilik-soyuqluq) yoxlanmalıdır.

Əgər uşaq uzun müddət sakitləşmirsə və qeyri-adi ağrı əlamətləri göstərirsə, pediatra müraciət olunmalıdır.

Uşaqların ağlaması onların "ünsiyyət vasitəsi"dir. Valideynlər və baxıcılar onların verdiyi bu siqnalları düzgün başa düşdükdə, həm uşağın rahatlığı təmin olunur, həm də ailə daxili gərginlik azalır.