Torpaq Məcəlləsində və "Balıqçılıq haqqında" qanunlara təklif edilən dəyişikliklər təsdiq edildi

Milli Məclis Torpaq Məcəlləsində və "Balıqçılıq haqqında" qanunlara təklif edilən dəyişiklikləri təsdiq edib.

BAKU.WS Oxu.az-a istinadən xəbər verir ki, layihəyə əsasən, akvakultura təsərrüfatlarına məxsus torpaqların kateqoriyası ilə bağlı normalar dəqiqləşdirilir.

Qeyd edilib ki, ölkə Prezidentinin 28 sentyabr 2024-cü il tarixli fərmanı ilə "Torpaqların kateqoriyalara aid edilməsi və onların bir kateqoriyadan digərinə keçirilməsi Qaydaları" təsdiq edilib və həmin qaydaların 1.9-cu bəndində akvakultura təsərrüfatlarının istifadəsində olan torpaqların kateqoriyasının dəyişdirilməsinin tələb olunmaması müəyyən edilib.

Akvakultura anlayışı balıq və digər su bioresurslarının, o cümlədən nadir və nəsli kəsilməkdə olan növlərin bərpası və əmtəə məhsulu əldə edilməsi məqsədi ilə balıqçılıq su obyektlərində artırılması, yetişdirilməsi, saxlanması və rekreasiya üzrə fəaliyyəti ehtiva edir.