Təyyarə qəzasında həlak olan Anarın nəşi Bakıya gətiriləcək

Qazaxıstanın Aktau şəhəri yaxınlığında AZAL-a məxsus sərnişin təyyarəsinin dekabrın 25-də qəzaya uğraması nəticəsində həlak olan 1991-ci il təvəllüdlü Anar Babayevin nəşi bu gün Bakıya gətiriləcək.

BAKU.WS-in məlumatına görə, o, Astara rayonunun Şiyəkaran kəndinin sakini olub.

Onun nəşinin günorta saatlarında Bakıya gətirilməsi gözlənilir.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb.

Nəticədə 67 nəfərdən 38-i həlak olub, 29-u sağ qalıb.