Təhsil naziri: "149 yeni məktəb binası yenidən tikilir və ya təmir edilir"

"Bu il Azərbaycanda pandemiya dönəminə baxmayaraq, 149 məktəb binası əsaslı təmir edilir və ya yenidən tikilir".

BAKU.WS-in bölgə müxbirinin verdiyi məlumata əsasən, bu fikirləri Gəncə şəhərinə səfəri zamanı KİV nümayəndələrinə açıqlamasında Təhsil naziri Emin Əmrullayev bildirib.

Nazirin sözlərinə görə, yeni məktəb binalarının 60-ı modul tiplidir.

"Bu kifayət qədər böyük bir saydır. Dövlət başçısının müvafiq sərəncamları ilə ölkə üzrə üç mindən artıq məktəb binası ya yenidən tikilib və ya təmir edilib. Bundan əlavə Heydər Əliyev Fondunun dəstəyi ilə bir neçə məktəb binası tikilərək istifadəyə verilib. Bunun nəticəsi olaraq bu gün məktəb Azərbaycanda çalışan müəllimlər üçün ən yaxşı iş yeridir. Düşünürəm ki, bu il də belə olacaq və şagirdlərimiz yaradılan resurslardan faydalanaraq gələcəkdə yaxşı hazırlaşacaqlar", - deyə nazir bildirib.