Sumqayıt sakinlərini SEVİNDİRƏCƏK XƏBƏR

Sumqayıt şəhərində yol infrastrukturunun yaxşılaşdırılması məqsədilə genişmiqyaslı təmir-bərpa işlərinə başlanılır.

BAKU.WS-in məlumatına görə, bu istiqamətdə şəhər İcra Hakimiyyəti yanında "Mənzil-Kommunal Təsərrüfatı İstehsalat Birliyi" tərəfindən küçə və mikrorayon yollarında asfalt örtüyünün yenilənməsi nəzərdə tutulur.

Asfalt örtüyünün əsaslı təmiri şəhərin həm mərkəzi, həm də yaşayış massivlərinə yaxın hissələrini əhatə edəcək. Müasir texnologiyalarla icra olunacaq bu prosesin əsas məqsədi yol infrastrukturunun uzunömürlülüyünü və hərəkət təhlükəsizliyini təmin etməkdir.

Sumqayıtın yol şəbəkəsinin müasirləşdirilməsi ilə bağlı tədbirlər davamlı xarakter daşıyır və bu cür yeniləmələr həm şəhər nəqliyyatının rahatlığını, həm də əhalinin gündəlik yaşam keyfiyyətini artırmağa xidmət edir.