Somali mənşəli ətlər bu məqsədlə Azərbaycana gətirilib

Son günlər Azərbaycan bazarına Somali mənşəli ət məhsullarının satış məqsədilə çıxarıldığı barədə yayılan iddialara Azərbaycan Qida Təhlükəsizliyi Agentliyi (AQTA) münasibət bildirib.

BAKU.WS xəbər verir ki, agentliyin sədr müavini Əziz Şərifov bildirib ki, 2025-ci ildə və əvvəlki illərdə Somalidən birbaşa ölkəmizə ət idxalı olunmayıb.

O bildirib ki, həcc qurbanları zamanı Səudiyyə Ərəbistanına diri heyvanlar əsasən, Somali, Sudan, Avstraliya və digər Afrika–Asiya ölkələrindən gətirilir, ölkəyə daxil olduqdan sonra karantin və baytarlıq nəzarətindən keçirilərək rəsmi kəsim məntəqələrində halal qaydada kəsilir. Səudiyyə Ərəbistanında istifadə olunmaqla yanaşı bir sıra ölkələrə göndərilir. Səudiyyə Ərəbistanın Azərbaycandakı Səfirliyin xətti ilə qeyri-kommersiya məqsədlərlə istifadə üçün ölkəyə Somali mənşəli ət göndərilib.