Şəhid Sənan Kərimov və Rövşən Əliyev yad edildi - FOTO

Neapol küçəsi 1 ünvanda Vətən müharibəsi şəhidi baş leytenant Sənan Kərimov və Birinci Qarabağ Müharibəsi şəhidi Rövşən Əliyevin xatirə lövhələrinin açılış mərasimi olub.

Anım mərasimində çıxış edənlər şəhidin döyüş yolunun gələcək nəsillər üçün nümunə olacağını, Vətən uğrunda canını fəda edən qəhrəmanların əbədiyyətədək xalqımızın yaddaşında yaşayacağını, onların xatirəsinin dövlətimiz tərəfindən daim uca tutulacağını bildiriblər.

Daha sonra Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusunun İkinci Qarabağ müharibəsində iştirak edən hər bir əsgər və zabitinin böyük Zəfərimizin əldə olunmasında misilsiz xidmətlər göstərdikləri, onların qəhrəmanlıqlarının heç zaman unudulmayacağı vurğulanıb. Sonra məktəblilərin ifasında şeirlər səsləndirilib.

Şəhidlərin ailə üzvləiri göstərilən diqqət və qayğıya görə minnətdarlıqlarını bildiriblər.

Qalereya