Şagirdlərdən yeni tədris ilində vaksin vurdurmaq tələb olunacaq? - RƏSMİ AÇIQLAMA

Azərbaycanda yeni tədris ilinin başlamasına bir aydan da az müddət qalır. Dərslərin başlanacağı təqdirdə şagirdlərin yalnız peyvənd vurduracağı halda sinif otaqlarına buraxılacağı ilə bağlı iddialar səslənməyə başlayıb.

BAKU.WS xəbər verir ki, sosial şəbəkədə gedən müzakirələrin əhəmiyyətini nəzərə alaraq rəsmi quruma müraciət etdik.

Təhsil Nazirliyinin yeni tədris ilində şagirdlərin peyvənd olunması barədə hər hansı göstərişin olub-olmamasını dəqiqləşdirməyə çalışdıq. Qurumdan BAKU.WS-ə bildirildi ki, şagirdlərin vaksin olunmasından söhbət getmir, amma tələbələr olunmalıdır.