Şamaxıda yol PROBLEMİ: "Görün nə gündə yaşayırıq"

Şamaxı sakinləri yollarının bərbad vəziyyətdə olmasından şikayətçidirlər.

Baku TV-nin qaynar xəttinə müraciət edən vətəndaşların sözlərinə görə, hazırda nəqliyyat vasitələri bu yoldan çox çətinliklə istifadə edir.

"Maşınlar gələ bilmir, bəzən bir-iki saat olduğu yerdə qalır. Şəhərin mərkəzində yaşayırıq, amma kənddən gələnlər bizə gülürlər. Uşaqlarımız məktəbə palçığın içində gedirlər", - sakinlərdən biri şikayətini dilə gətirib.

Məsələ ilə bağlı Şamaxı Rayon İcra Hakimiyyətindən bildirilib ki, mövcud problemdən qurum xəbərdardır: "Hazırda şəhər ərazisində asfaltlanma işi dayandırılıb. İşlərə start verildiyi zaman sözügedən küçədə də mərhələli şəkildə asfaltlanma işi həyata keçiriləcək".

Ətraflı süjetdə: