Şamaxıda torpaq sürüşməsi olub
Şamaxı-Qonaqkənd avtomobil yolunda torpaq sürüşməsi baş verib.
BAKU.WS "Unikal"a istinadən xəbər verir ki, sürüşmə nəticəsində yolun bir neçə nöqtəsində asfalt örtüyündə çökmələr və iri çatlar əmələ gəlib.
Bəzi hissələrində hərəkət zolağı dərəyə doğru sürüşərək dağılıb, yolda 3-4 metr uzunluğunda iri və xırda çatlar əmələ gəlib.
Yolun digər tərəfində isə asfalt örtüyü dağılaraq, iri qabarmalar yaranıb. Yolun bir hissəsinin uçması səbəbindən kəndə gediş-gəliş də çətinləşib.
Sakinlərin sözlərinə görə, sürüşmə hər gün davam edir.
Xatırladaq ki, sözügedən avtomobil yolu 2019-cu ildə inşa edilərək istifadəyə verilib.
Oxşar xəbərlər
Göyçayda arıçılar problemlə üzləşiblər: Arılar məhv olur və yoxa çıxır
Göyçayda bir neçə aydır arı ailələrində səbəbsiz ölümlər müşahidə olunur. BAKU.WS APA TV-yə istinadən məlumat verir ki, sahibkar arıçılığa böyük ziyan dəydiyini...