Şamaxı üçün YENİ LAYİHƏ - 1 milyon AYRILDI

Azərbaycanın qədim şəhərlərindən biri olan Şamaxı üçün yeni baş planın hazırlanması istiqamətində işlərə başlanılır.

BAKU.WS-in əldə etdiyi məlumata görə, bu layihəni Azərbaycan Respublikasının Dövlət Şəhərsalma və Arxitektura Komitəsi həyata keçirəcək.

Layihənin ehtimal olunan dəyəri 981.760,00 AZN təşkil edir. Məqsəd Şamaxı şəhərinin sosial, iqtisadi və ekoloji dayanıqlılığını təmin edən müasir şəhərsalma konsepsiyasının hazırlanmasıdır.

Yeni baş plan çərçivəsində şəhərin ərazisinin funksional bölgüsü, infrastrukturun yenilənməsi, ictimai məkanların formalaşdırılması, eləcə də yaşayış sahələrinin planlaşdırılması istiqamətində təkliflər işləniləcək. Şamaxının baş planının yenilənməsi həm tarixi irsin qorunmasına, həm də müasir şəhər inkişafı prinsiplərinin tətbiqinə imkan yaradacaq.