Sabah Bakının bu rayonlarında qaz olmayacaq - SİYAHI

Sabah Bakının Binəqədi və Xətai rayonlarınin təbii qaz təchizatında məhdudiyyətlər olacaq.

"Azəriqaz" İB-nin İctimaiyyətlə əlaqələr şöbəsindən BAKU.WS-ə verilən məlumata görə, məhdudiyyət Xətai rayonu, Babək prospekti, 2345-ci məhəllədə yerləşən 630 mənzilli yaşayış binasına çəkilmiş qaz xəttinin qaz təchizatı mənbəyinə birləşdirilməsi, orta təzyiqli qaz xəttinin təhlükəsiz əraziyə köçürülməsi və istehlakçıların qaz təchizatının yaxşılaşdırılması ilə bağlıdır.

Bu məqsədlə iyunun 10-u saat 09:00-dan işlər yekunlaşanadək Binəqədi rayonunun Sulutəpə və Çiçək qəsəbələri ərazisi, Xətai rayonunun K.Kərimov və M.Davud küçələri, kənd Əhmədli ərazisinə və Həzi Aslanov yaşayış massivi ərazisinin bir hissəsinə təbii qazın verilişində fasilələr yaranacaq.

BAKU.WS