Ramazan ayında duaların ən çox qəbul olduğu gecələr

Ramazan ayı müsəlmanlar üçün il ərzində ən müqəddəs və bərəkətli zamanlardan biri hesab olunur.

BAKU.WS-in məlumatına görə, bu ayda edilən ibadətlərin savabı daha böyük sayılır, edilən duaların qəbul olunacağına ümid isə daha çox olur.

Xüsusilə Ramazan ayında Qədr gecələri müsəlmanlar tərəfindən ən fəzilətli gecələr kimi qəbul edilir.

İslam inancına görə, Qədr gecəsi Allahın rəhmət və mərhəmətinin yer üzünə daha çox nazil olduğu gecədir. Qurani-Kərimdə də bu gecənin əhəmiyyəti xüsusi vurğulanır və onun "min aydan daha xeyirli" olduğu bildirilir. Bu ifadə Qədr gecəsində edilən ibadət və duaların savabının min ay ərzində edilən ibadətlərdən daha üstün ola biləcəyinə işarə edir.

Müsəlman alimlərinin çoxuna görə, Qədr gecəsi ibadətə daha çox vaxt ayrılır, Quran oxunur, dua edili və tövbə ilə Allaha yaxınlaşmağa çalışılır.

Bu gecələrdə edilən duaların qəbul olunma ehtimalı daha yüksək hesab edilir. İnsanlar yalnız özləri üçün deyil, ailələri, yaxınları və ümumilikdə bütün bəşəriyyət üçün xeyir-dualar edir. Eyni zamanda bu gecələr insanların keçmiş səhvlərini düşünərək tövbə etməsi və həyatlarında yeni mərhələyə başlamaq üçün mənəvi güc toplaması üçün də xüsusi fürsət sayılır.