Qızdırma səbəbindən buraxılış imtahanında iştirak etməyənlərlə bağlı AÇIQLAMA

Bu il məzun olan şagirdlərin hamısı attestat alacaq.

BAKU.WS xəbər verir ki, Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirilən onlayn brifinqdə belə deyib.

O bildirib ki, buraxılış imtahanlarında iştirak edə bilməyənlər üçün sentyabr ayında yenidən buraxılış imtahanı keçiriləcək:

"Qızdırma səbəbindən buraxılış imtahanında iştirak etməyən, lakin ali məktəblərə qəbul olmaq istəyənlərin məsələsinə baxılacaq. Baxacağıq, əgər onlar xəstə deyilsə və səhhəti ətrafda olanlara problem yaratmırsa, çalışacağıq ki, axırıncı imtahanlara daxil edək. Onları yaşadığı yerdə imtahana dəvət edəcəyik. Çünki biz axırıncı imtahanların coğrafi cəhətdən hansı bölgələrdə baş tutacağını bilmirik”.