Prezidentin köməkçisi son günlər koronavirusa yoluxmada baş verən artımın səbəbini açıqlayıb

"Azərbaycanda rəqəmlərin aşağı düşməsi vətəndaşların məsuliyyətli davranışının, qabaqlayıcı tədbirlərin nəticəsidir. Günlərdən asılı olaraq qismən və cüzi artma müşahidə olunur, bu da insanların aktivlik dinamikası ilə bağlıdır".

BAKU.WS-in məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın brifinqində deyib.

Prezidentin köməkçisi vətəndaşlardan karantin tələblərinə əməl olunmasını xahiş edir:

"Bizim birgə səylərimizlə bu nəticələrə nail olmuşuq, epidemioloji vəziyyət və dünya praktikası öyrənilərək yumşalma prosesi başlayıb".