Paytaxtın 8.2 km yolunda velosiped zolağı salındı - VİDEO

Buzovna-Mərdəkan avtomobil yolu üzərində “Bakı Abadlıq” MMC tərəfindən uzunluğu 8.2 km olan velosiped yolları və piyadaların təhlükəsiz, rahat hərəkətini təmin etmək məqsədi ilə səkilər inşa edilir.

Bakı Nəqliyyat Agentliyindən BAKU.WS-ə verilən məlumata görə, BNA tərəfindən layihələndirilən səki və velosiped yollarında tikinti-quraşdırma işlərinin bir hissəsi artıq yekunlaşıb.

Qeyd edək ki, velosiped yollarının inşası şəhərin mobillik imkanlarının artırılması ilə yanaşı, həm də velosipeddən istifadəni təşviq edən mühüm vasitələrdən biridir.