"Nərimanov rayonunda ağaclar kəsilir" - Sakin ŞİKAYƏTİ

Bakı şəhərinin Nərimanov rayonunda ağacların kəsildiyi iddia olunub.

Bu barədə Oxu.Az-a ünvanlanan şikayətdə sakin qeyd edib.

O bildirib ki, Uluqbəy küçəsi, 127 ünvanında artıq bir neçə gündür ağaclar kəsilir: "Bu ağaclar neçə ildir burada idi. Ağacları kəsmək əvəzinə onu çıxarıb başqa ərazilərə köçürmək olardı".

Sözügedən ünvanda ağacların köçürülməsi üçün Ekologiya və Təbii Sərvətlər Nazirliyi tərəfindən rəy verilib.

Sənəddə qeyd olunur ki,Ş həmin ünvanda yol çəkilməsi ilə əlaqədar olaraq ağaclar götürülür və başqa əraziyə köçürülür. Yol çəkilməsi ilə bağlı işlər yekunlaşdıqdan sonra ərazidə yeni ağaclar əkiləcək.