Neftçalada Birinci Qarabağ müharibəsinin itkin-şəhidi Vaqif Məhərrəmov dəfn edilib

Birinci Qarabağ müharibəsində itkin düşmüş hesab edilən Vaqif Məhərrəmovla keçirilən vida mərasimi başa çatıb.

BAKU.WS "Report"a istinadən xəbər verir ki, mərasimdən sonra onun nəşi Şəhidlər xiyabanında dəfn olunub.

Dəfn mərasimində Neftçala rayonunun rəsmi şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Vaqif Mənsim oğlu Məhərrəmov 1971-ci il iyulun 3-də Neftçala şəhərində anadan olub. 1992-ci il sentyabrın 6-da Ağdərə rayonunun Çıldıran kəndində itkin düşüb.

Qalereya