Nazirlik internat məktəbindən yayılan görüntüyə münasibət bildirdi - VİDEO

3 nömrəli xüsusi internat məktəbinin müəllimləri şikayətçidir.

BAKU.WS “oxu.az”a istinadən xəbər verir ki, şikayətçi müəllimlərin görüntüləri sosial şəbəkələrdə yayılıb.

İddia edilib ki, direktor müəllimlərdən rüşvət tələb edir, pul verməyənlərə görə bütün kollektivi incidir.

Yayılan video ilə bağlı Təhsil Nazirliyi ilə əlaqə saxladıq.

Nazirlikdən bildirilib ki, video araşdırılıb:

“Nəticədə 5 il əvvəl qaldırılmış və müsbət istiqamətdə həll olunan hadisə olduğu aşkarlanıb. Mətbuatda yeni hadisə kimi qeyd olunması düzgün deyil”.