MİDA daha bir şəhərdə binalar inşa edəcək

Mənzil İnşaatı Dövlət Agentliyi (MİDA) Şəmkir şəhərində yeni yaşayış kompleksi inşa edəcək.

BAKU.WS-in əldə etdiyi məlumata əsasən, layihə Şəmkir şəhərində yerləşən 5,76 hektar torpaq sahəsini əhatə edəcək.

Yaşayış kompleksinin layihələndirilməsi üçün ehtimal olunan məbləğ 854 min 290 manat təşkil edir.

Qeyd edək ki, layihə Şəmkir şəhərində müasir və planlı yaşayış mühitinin formalaşdırılmasına töhfə verəcək. Eyni zamanda, bölgədə şəhərsalma infrastrukturunun inkişafına və əhalinin mənzil şəraitinin yaxşılaşdırılmasına imkan yaradacaq.