"Mərkəzi Park"da 2 yaşlı uşaq kanalizasiya quyusuna düşdü

Paytaxtda azyaşlının həyatı təhlükəyə düşüb.

BAKU.WS-in məlumatına görə, hadisə dünən "Mərkəzi Park"da baş verib.

Ailə üzvlərinin dediyinə əsasən, 2 yaşlı uşaq parkda açıq qalan kanalizasiya quyusuna düşüb. Quyunun dərinliyinin 1,5-2 metr olduğu bildirilir.

Valideynlərin və ətrafdakı insanların operativ müdaxiləsi nəticəsində uşaq quyudan çıxarılıb. Hadisə nəticəsində xəsarət alan azyaşlı dərhal xəstəxanaya aparılıb və ona tibbi yardım edilib.

İddiaya görə, kanalizasiya quyusunun lyükü tam örtülməyib və qapağın möhkəm bağlanması üçün xüsusi yerlər olsa da, onlardan istifadə edilməyib. Bu isə ciddi təhlükə yaradıb.

Qalereya

Orxan Hüseyn