Mərkəzi Neftçilər Xəstəxanasında təmir işləri görüləcək

Bakıda yerləşən Mərkəzi Neftçilər Xəstəxanası havalandırma sisteminin təmiri üçün ehtiyat hissələrinin alışı və quraşdırılması ilə bağlı tender elan edib.

BAKU.WS-in məlumatına görə, tenderin ehtimal olunan qiyməti 112 min 46,19 manat təşkil edir.

Xatırladaq ki, Mərkəzi Neftçilər Xəstəxanası bu tenderi açıq müsabiqə yolu ilə həyata keçirir.

Xəstəxananın havalandırma sisteminin təmiri otaqlarda təmiz havanın təmin olunmasına kömək edəcək, bu da infeksiya riskini azaldacaq və xəstələrin sağalmasını sürətləndirəcək.