Koronavirusun yeni ştamı sürətlə yayılır – Əlamətləri bunlardır – AÇIQLAMA/VİDEO

Ümumdnya Səhiyyə Təşkilatının son hesabatına əsasən, dünyada koronavirusun “Eris” (EG.5) variantı sürətlə yayılmağa başlayıb. Son 28 gün ərzində dünya üzrə 1,5 milyon insan bu virusa yoluxub.

BAKU.WS xəbər verir ki, omikron ştamının yeni alt növü olan “EG.5” əvəllər yayılan digər növlərdən sürətlə yoluxdurma qabiliyyəti ilə fərqlənir.

Koronavirusun “Eris” variantına Azərbaycanda hələlik rast gəlinməsə də virusun geniş yayılması insanlarda narahatlıq doğurur. Virusun əlamətlərinin nələr olması və qorunmaq yolları hamını maraqlandırır.

Səhiyyə Nazirliyinin mütəxəssis - eksperti Vasif Əliyev real.tv-yə yeni virusun əlamətləri ilə bağlı danışıb: “Yüngül respirator əlamətlərdir. Qrip əlamətləridir. Əzələ ağrıları, temperatur, burun tutulması kimi əlamətlər bu virusa xarakterikdir.

Xəstəlik olarsa istirahət rejimi, maye istifadəsi, temperatur olarsa müəyyən dərmanlardan istifadə edilməlidir”.