Koronavirus Sədərək bazarına necə təsir edib? - VİDEO

Çindən yayılmağa başlayan koronavirus azərbaycanlı sahibkarlara da öz təsirini göstərib.

BAKU.WS BBC Azərbaycanca-ya istinadən xəbər verir ki, bəzi sahibkarlar koronavirusun yayılmasına görə İrandan və Çindən məhsul gətirilməsində problem yaşadıqlarını bildiriblər.

Afət İsmayılova deyir ki, illərdir, İrandan Azərbaycana yükdaşıma ilə məşğuldur. O, koronavirusun həm onlara, həm də onlardan məhsul alıb-satan sahibkarlara təsir etdiyini deyir.

Şamil Heydərov artıq 20 ildir ki, Çindən Azərbaycana yükdaşıma həyata keçirən şirkətin rəhbəridir. O deyir ki, hazırda Çindən Azərbaycana heç bir yük daşınmır, çünki Azərbaycandan bu ölkəyə gedən aviareyslər dayandırılıb.